ཕྱི་རྒྱལ་ཤར་ནུབ་གཉིས་ཀྱི་དད་ལྡན་སློབ་མ་རྣམས་ལ་གསུང་ཆོས་དབུ་འཛུགས་བསྐྱངས་པ། 　 ཕྱི་ལོ་ 2009 ཟླ་ 12 ཚེས་ 20 ནས་ 22 བར་ཕྱི་རྒྱལ་ཕྱི་རྒྱལ་ཤར་ནུབ་གཉིས་ནས་དད་ལྡན་མི་སྣ་ཆིག་སྟོང་ལྔ་བརྒྱ་ལྷག་ཙམ་རྒྱལ་ཁབ་ཁག་ ལྔ་བཅུ་རྩ་གཉིས་ནས་འདུས་ཡོད་པས། དེ་དག་རྣམས་ལ་སྨན་ཕྱིར་དཔལ་མགོན་འཕགས་པ་ཀླུ་སྒྲུབ་ཀྱིས་མཛད་པའི་བཤེས་སྤྲིང་དེ་ཉིད་སྐད་ ཡིག་ཁག་དགུའི་ནང་སྔོན་ཚུད་ནས་བསྒྱུར་ཡོད། ཉིན་རེ་སྔ་དྲོ་ཆུ་ཚོད་དགུ་པ་ནས་བཅུ་གཅིག་བར་དང༌། ཚོགས་ཐུན་གཉིས་པ་གུང་ཡོལ་ ཆུ་ཚོད་གསུམ་པ་ནས་ལྔ་པ་བར་ཉིན་གཉིས་རིང་ཆུ་ཚོད་བཞི་རེ་དང༌། ཉིན་མཐའ་མ་ཆུ་ཚོད་གཉིས་རིང་ཁོ་ན་ཡིན། 　 དེ་ཉིད་ཀྱི་འབྱོར་ཐོ་ཚན་པའི་དུས་ཡུན་ནི། སྔ་དྲོ་ཆུ་ཚོད་བརྒྱད་པ་ནས་བཅུ་གཅིག་བར་དང༌། གུང་ཡོལ་རྗེས་ཆུ་ཚོད་གསུམ་པ་ནས་ལྔ་པ་བར་ ཡིན། དྭང་བླང་ཐོ་འགོད་སྲི་ཞུ་བ་མི་གྲངས་ 10 ཙམ་ཡོད་ཅིང༌། ཐོ་འགོད་མཛད་ཡུལ་ནི་ཡོངས་དགེ་གཏེར་སྒར་དགོན་པའི་ཉེ་འདབས་སུ་ ཡིན། སྐབས་དེར་དམིགས་བསལ་གྱི་བཀའ་བརྒྱུད་སྨོན་ལམ་གྱི་ལས་རྟགས་རྡོ་རྗེ་རྒྱ་གྲམ་གྱི་དབྱིབས་ལྡན་ཞིག་དང༌། ཚོན་སྣ་ལྔ་ལྡན་གྱི་ལག་ འདོགས་སྐུད་པ། དེ་བཞིན་རྒྱལ་བ་རིགས་ལྔའི་སྐུ་བརྙན་གཅིག་བཅས་ཕྱི་རྒྱལ་ཆོས་ཞུ་བ་རྣམས་ལ་ཕུལ་བཞིན་ཡོད། འདི་ལོ་ཆོས་ཞུ་བ་རྣམས་ སྡེ་ཚན་ཁག་ལྔར་བགོས་ཡོད་ཅིང༌། དེ་རྣམས་ནི་རྒྱལ་བ་རིགས་ལྔའི་སྐུ་མདོག་གི་མཚོན་དོན་དུ་ཚོན་སྣ་ལྔ་ཡོད། དེ་ལ་རྒྱལ་དབང་མཆོག་ནས་ བྱིན་རླབས་མཛད་ཡོད་ཅིང༌། ཁ་དོག་ནི་དཀར་སེར་སྔོ་དམར་ལྗང་ཁུ་བཅས་ཡིན། དེ་ལག་གཡས་པའི་མཁྲིག་མར་བཏགས་ཏེ་རང་རང་སོ་ སོའི་སྡེ་ཚན་གྱི་གྲལ་རིམ་དུ་འདུག་དགོས་པ་ཡིན། གོང་གི་ཁ་དོག་རྣམས་ནི་བཞུགས་གྲལ་རྒྱབ་མདུན་གྱི་བཞུགས་གནས་སླད་དུ་ཆེད་གཉེར་ གྱིས་བསྐྲུན་པ་ཞིག་ཡིན། 　 བཤེས་སྤྲིང་གི་དེབ་དེ་སྐད་ཡིག་དགུར་ཡོད་པ་དེ་དག་འབྱོར་ཐོ་འགོད་གནས་ཀྱི་ཉེ་འདབས་སུ་བླུ་ཡོན་ཞུ་རྒྱུ་ཡོད། ཕྱག་དེབ་ཀྱི་མདུན་ཤོག་ཏུ་ ཡོད་པའི་མགོན་པོ་ཀླུ་སྒྲུབ་ཀྱི་སྐུ་བརྙན་དེ་ཉིད་རྒྱལ་དབང་རང་ཉིད་ཀྱིས་ཕྱག་བསྟར་མ་ཡིན་པ་དང་དེབ་ཟུར་དུ་ཡོད་པའི་བཤེས་སྤྲིངས་ཞེས་ པའི་ཡི་གེ་དེ་ཡང་རྒྱལ་དབང་ཉིད་ནས་ཕྱག་བྲིས་མཛད་པ་ཞིག་ཡིན།